Fagott til å vere sant

Kanskje var det det dei tenkte dei som ikkje møtte fram på Fagottkoret sin konsert i Parken Kulturhus i Ålesund fredagskvelden: At det var for godt til å vere sant.

Men det var sant, og vi 60 som var der fekk ein opplevelse vi seint vil gløyme.

Koret hadde oss i si hule hand frå første tone og førte oss over ei musikalsk regnbogebru som spente frå det gripande og alvorlege til sprudlande galskap.

Og då Thomas Nordvik Strandberg starta konferansièrrolla si med å seie at Ålesund er himmelen som han vil kome til når han døyr, då smelta vi fullstendig.

Visjoner

Gunnar Normann Larsen var solist i denne songen som godt kan stå som motto for heile showet.

Gaysir annonserte konserten med "Fagotter i homofob-land". For oss som bor her, opplevest det ikkje slik. Ein blir oftast møtt med større respekt her enn i for eksempel i Oslo.

LLH-leiar Jon Reidar Øien, som for anledninga var medkonferansièr, peika også på det viktige i at ein ikkje nødvendigvis må forstå, men respektere kvarandre og hylle mangfoldet.

Det betyr at ein skal ta mobbing og trakassering på alvor. "Jævla homo" må ikkje lenger få vere det mest benytta skjellsordet i Norge.

Med sukker på

Både stemmene og repertoaret til koret spenner vidt. Vi let oss imponere av tenorane som song klokkereint langt, langt der oppe, og vi let oss fascinere av Peter Glen i ei fantastisk tolking av "Over the rainbow".

Kontakten mellom sal og scene var enorm, og sørga for at vi i salen fekk le litt og grine litt og kose oss glugg i hel gjennom eit repertoar som spente frå "Den hvitmalte kirke" til "Vise for gærne jinter".

Ja takk!!! Vi tar gjerne ein porsjon til. Med sukker på.